అవును నాకు మూడు స్టార్ హోటళ్లు ఉన్నాయి…కేటీఆర్
హైదరాబాద్: తనకు హైదరాబాద్‌లో మూడు స్టార్ హోటళ్లు ఉన్నాయని బీఆర్ఎస్ వర్కింగ్ ప్రెసిడెంట్ కేటీఆర్ అంగీకరించారు. 2006లోనే తాను హోటల్ వ్యాపారాన్ని ప్రారంభించినట్లు తెలిపారు. ఆ తర్వాత తన వ్యాపారాన్ని మూడు హోటళ్లకు విస్తరించానని వెల్లడించారు. హోటళ్లకు సంబంధించిన వివరాలను 2009 ఎన్నికల అఫిడవిట్‌లోనే పొందుపరిచినట్లు కేటీఆర్ స్పష్టం చేశారు.
సిరిసిల్ల సభలో ముఖ్యమంత్రి రేవంత్ రెడ్డి.. కేటీఆర్‌కు మూడు స్టార్ హోటళ్లు ఉన్నాయని ప్రస్తావించిన నేపథ్యంలో కేటీఆర్ స్పందించారు. అమెరికాలో ఆరేళ్ల పాటు ఉద్యోగం చేసి సంపాదించిన డబ్బుతో హోటల్ వ్యాపారంలోకి ప్రవేశించినట్లు వివరించారు. తన భార్యాబిడ్డలకు బువ్వ పెట్టడం కోసమే వ్యాపారాలు చేస్తున్నానని వ్యాఖ్యానించారు. తన తండ్రి కేసీఆర్‌ది భూస్వామ్య కుటుంబమని, ఆయన గత 40 ఏళ్లకు పైగా ప్రజాప్రతినిధిగా కొనసాగుతున్నారని కేటీఆర్ పేర్కొన్నారు.
కేటీఆర్ తనకు మూడు స్టార్ హోటళ్లు ఉన్నాయని అంగీకరించడంతో ఈ అంశంపై రాజకీయ వర్గాల్లో చర్చ జరుగుతోంది. 2006లోనే హోటల్ వ్యాపారాన్ని ప్రారంభించినట్లు, 2009 ఎన్నికల అఫిడవిట్‌లో ఆస్తుల వివరాలను పొందుపరిచినట్లు కేటీఆర్ వెల్లడించారు. సిరిసిల్ల సభలో సీఎం రేవంత్ రెడ్డి చేసిన వ్యాఖ్యల నేపథ్యంలో కేటీఆర్ ఈ వివరణ ఇచ్చారు. ఈ అంశంపై బీఆర్ఎస్, కాంగ్రెస్ నాయకుల మధ్య రాజకీయ చర్చకు దారితీసింది.
#KTR #KTRHotels #KTRNews #KTRAssets #KTRComments #RevanthReddy #BRS #TelanganaPolitics #TelanganaNews #Hyderabad #VSRBreakingNews
