తెలంగాణలో భారీగా ఐపీఎస్ అధికారుల బదిలీలు.. 21 మందికి కొత్త పోస్టింగ్‌లు
హైదరాబాద్: తెలంగాణ రాష్ట్రంలో పోలీస్ శాఖలో భారీ స్థాయిలో ఐపీఎస్ అధికారుల బదిలీలు జరిగాయి. మొత్తం 21 మంది ఐపీఎస్ అధికారులకు బదిలీలు, కొత్త బాధ్యతలు అప్పగిస్తూ రాష్ట్ర ప్రభుత్వం ఉత్తర్వులు జారీ చేసింది. ఈ బదిలీల్లో హైదరాబాద్ పోలీస్ కమిషనర్‌గా మహేష్ మురళీధర్ భగవత్ నియమితులయ్యారు. పలువురు సీనియర్ ఐపీఎస్ అధికారులకు కీలక విభాగాల బాధ్యతలు అప్పగించారు.
కీలక అధికారుల బదిలీలు, కొత్త బాధ్యతలు
- డాక్టర్ సౌమ్య మిశ్రా: డీజీపీ, మహిళా భద్రత విభాగంగా నియమితులయ్యారు. షీ టీమ్స్, భరోసా బాధ్యతలతో పాటు డీజీపీ ఆర్గనైజేషన్, లీగల్ విభాగాల అదనపు బాధ్యతలు అప్పగించారు.
- స్వాతి లక్రా: డీజీపీ, జైళ్లు మరియు దిద్దుబాటు సేవల బాధ్యతలు అప్పగించారు. డీజీపీ హోంగార్డ్స్ అదనపు బాధ్యతలు కూడా నిర్వహించనున్నారు.
- మహేష్ మురళీధర్ భగవత్: హైదరాబాద్ పోలీస్ కమిషనర్‌గా నియమితులయ్యారు.
- చారు సిన్హా: డీజీపీ, అవినీతి నిరోధక శాఖ (ఏసీబీ)గా నియమితులయ్యారు. సీఐడీ అదనపు బాధ్యతలు కూడా అప్పగించారు.
- డాక్టర్ అనిల్ కుమార్: తెలంగాణ రాష్ట్ర రోడ్డు రవాణా సంస్థ (టీజీఎస్‌ఆర్‌టీసీ) వైస్ చైర్మన్ అండ్ మేనేజింగ్ డైరెక్టర్‌గా నియమితులయ్యారు.
- వి.సి. సజ్జనార్: తెలంగాణ ఫైర్, డిజాస్టర్ రెస్పాన్స్, ఎమర్జెన్సీ అండ్ సివిల్ డిఫెన్స్ డీజీగా నియమితులయ్యారు. ఎస్‌పీఎఫ్ అదనపు బాధ్యతలు అప్పగించారు.
- వై. నాగిరెడ్డి: సివిల్ సప్లైస్ కమిషనర్‌గా, ప్రభుత్వ ప్రధాన కార్యదర్శి, వినియోగదారుల వ్యవహారాల శాఖ బాధ్యతలతో పాటు సివిల్ సప్లైస్ కార్పొరేషన్ అదనపు బాధ్యతలు నిర్వహించనున్నారు.
- సంజయ్ కుమార్ జైన్: టీజీఎస్‌పీ అదనపు డీజీపీగా కొనసాగుతూ, ట్రైనింగ్ అదనపు బాధ్యతలు చేపట్టనున్నారు.
- విక్రమ్ సింగ్ మాన్: డీజీపీ, ఆపరేషన్స్ (గ్రేహౌండ్స్, ఆక్టోపస్)గా నియమితులయ్యారు. పోలీస్ హౌసింగ్ కార్పొరేషన్ అదనపు బాధ్యతలు కూడా అప్పగించారు.
- ఎం. స్టీఫెన్ రవీంద్ర: తెలంగాణ ట్రాఫిక్ మేనేజ్‌మెంట్, రోడ్ అండ్ రైల్ సేఫ్టీ బ్యూరో డైరెక్టర్‌గా నియమితులయ్యారు.
- ఆకున్ సబర్వాల్: అదనపు డీజీపీ (లా అండ్ ఆర్డర్)గా నియమితులయ్యారు. కోఆర్డినేషన్, టెక్నికల్ సర్వీసెస్ అదనపు బాధ్యతలు కూడా అప్పగించారు.
ఇతర అధికారులకు కొత్త పోస్టింగ్‌లు
- ఎస్. చంద్రశేఖర్ రెడ్డి: డైరెక్టర్, అవినీతి నిరోధక శాఖ (ఏసీబీ).
- కార్తికేయ: ఐజీపీ, మల్టీ జోన్-1గా నియమితులయ్యారు. ఐసీసీసీ డైరెక్టర్ అదనపు బాధ్యతలు అప్పగించారు.
- కె. రమేష్ నాయుడు: ఐజీపీ, రైల్వేస్‌గా నియమితులయ్యారు.
- డి. జోయెల్ డేవిస్: జాయింట్ డైరెక్టర్, రోడ్ సేఫ్టీ, జాయింట్ డైరెక్టర్, ట్రాఫిక్ బాధ్యతలతో పాటు హైదరాబాద్ ట్రాఫిక్ జాయింట్ కమిషనర్ అదనపు బాధ్యతలు అప్పగించారు.
- జి. చందన దీప్తి: డీఐజీ, జోన్-7 (జోగులాంబ) అదనపు బాధ్యతలు చేపట్టనున్నారు.
- ఆర్. భాస్కరన్: డీఐజీ (ఇంటెలిజెన్స్) అదనపు బాధ్యతలు అప్పగించారు.
- కె. నారాయణ నాయక్: డీఐజీ, జోన్-2 (బాసర) అదనపు బాధ్యతలు చేపట్టనున్నారు.
- ఎల్.ఎస్. చౌహాన్: డీఐజీ, కోఆర్డినేషన్‌తో పాటు జోన్-6 (చార్మినార్) అదనపు బాధ్యతలు అప్పగించారు.
- శ్రీ బాలాదేవి: డిప్యూటీ డైరెక్టర్ (అడ్మినిస్ట్రేషన్), టీజీ-టీఎంఏఆర్ఎస్‌గా నియమితులయ్యారు.
- వి. అరవింద బాబు: డీసీపీ, ఎస్‌ఎం అండ్ ఐటీ, హైదరాబాద్ సిటీగా నియమితులయ్యారు.
#TelanganaIPSTransfers #IPSTransfers #TelanganaPolice #MaheshBhagwat #HyderabadCP #TelanganaNews #VSRBreakingNews
