నారా లోకేష్ యువగళం పాదయాత్ర

తెలుగుదేశం ప్రధాన కార్యదర్శి నారా లోకేష్ పాదయాత్రకు రంగం సిద్ధమైంది. జనవరి 27 నుంచి ప్రారంభమయ్యే ఈ పాదయాత్ర యువగళం పేరుతో సాగనున్నది. దాదాపు 400 రోజుల పాటు ఆయన ఆంధ్రప్రదేశ్ లోని 100 నియోజకవర్గాల్లో నడవనున్నారు. అన్ని వర్గాల సమస్యలను తెలుసుకుంటు నారా లోకేష్ పాదయాత్ర చేయనున్నారు. పాదయాత్ర కోసం లోకేష్ అన్ని విధాలుగా సిద్ధమౌతున్నారు. శారీరకంగా ఎలాంటి సమస్యలు రాకుండా ట్రైన్ అవుతున్నారు. పాదయాత్ర కోసం తెలుగుదేశం భారీ ఏర్పాట్లు చేస్తోంది. గతంలో టీడీపీ అధినేత చంద్రబాబునాయుడు కూడా ఉమ్మడి రాష్ట్రంలో భారీ పాదయాత్ర చేశారు. రాష్ట్ర విభజన తర్వాత వైసీపీ అధినేత జగన్ కూడా పాదయాత్ర నిర్వహించారు. ఆంధ్రప్రదేశ్ రాజకీయాల్లో పాదయాత్రలు ఒక ట్రెండ్ తయారయ్యాయి.