బీజేపీలో చేరిన జయసుధ

ప్రముఖ సినీ నటి, మాజీ ఎమ్మెల్యే జయసుధ బీజేపీ తీర్థం పుచ్చుకున్నారు. ఢిల్లీలో ఆమె బీజేపీ సభ్యత్వం తీసుకున్నారు. సికింద్రాబాద్ నుంచి ఆమె గతంలో కాంగ్రెస్ తరుపున ఎమ్మెల్యేగా విజయం సాధించారు. ఆ తర్వాత కొంత కాలం రాజకీయాలకు దూరంగా ఉన్న జయసుధ తెలుగుదేశంలో చేరారు. అయితే టీడీపీలో క్రియాశీలకంగా వ్యవహారించలేకపోయిన ఆమె తాజాగా బీజేపీలో జాయిన్ అయ్యారు. సికింద్రాబాద్ అసెంబ్లీ నుంచి బీజేపీ అభ్యర్థిగా జయసుధ పోటీ చేసే అవకాశం ఉంది. క్రిస్టియన్ ఓట్లను ఆకర్షించడం కోసమే బీజేపీ ఆమెను పార్టీలో  చేర్చుకున్నట్లు సమాచారం. అయితే రాజకీయంగా బాగా బలహీనమైన ఆమె వల్ల పార్టీకి వచ్చే ప్రయోజనం ఏదీ లేదని పార్టీ కార్యకర్తలు స్పష్టం చేస్తున్నారు.