కాంగ్రెస్ లోకి మాజీ ఎమ్మెల్యే ప్రవీణ్ రెడ్డి

తెలంగాణ కాంగ్రెస్ లో చేరికలు కొనసాగుతున్నాయి. పీసీసీ చీఫ్ రేవంత్ రెడ్డి వరసగా టీఆర్ఎస్, బీజేపీ పార్టీలకు షాక్ ఇస్తున్నారు. హుస్నాబాద్ మాజీ ఎమ్మెల్యే అలిగిరెడ్డి ప్రవీణ్ రెడ్డి తాజాగా కాంగ్రెస్ తీర్థం పుచ్చుకున్నారు. కాంగ్రెస్ సీనియర్  నేత మల్లిఖార్జున ఖర్గే సమక్షంలో ఆయన కాంగ్రెస్ కండువా కప్పుకున్నారు. ఢిల్లీలో పీసీసీ చీఫ్ రేవంత్ రెడ్డి ,ఇతర ముఖ్యనేతల ఆధ్వర్యంలో ప్రవీణ్ రెడ్డి తన సొంత గూటికి చేరారు. గతంలో కాంగ్రెస్ తరుపున ఆయన హుస్నాబాద్ ఎమ్మెల్యేగా విజయం సాధించారు. ఆ తర్వాత టీఆర్ఎస్ పార్టీలో చేారారు. అయితే హుస్నాబాద్ లో ప్రవీణ్ రెడ్డికి తగిన గుర్తింపు లేకపోవడంతో తిరిగి కాంగ్రెస్ కండువా కప్పుకున్నారు. ప్రవీణ్ రెడ్డి చేరికను స్థానిక కాంగ్రెస్ నేతలు పలువురు వ్యతిరేకించారు. అయితే రేవంత్ రెడ్డి వారికి సర్ది చెప్పారు.