ఎట్టకేలకు బీజేపీలోకి చీకోటి ప్రవీణ్
1 min read
ఎట్టకేలకు చీకోటి ప్రవీణ్ ను బీజేపీలో చేర్చుకున్నారు. పార్టీ సీనియర్ నాయకురాలు డీకే అరుణ సమక్షంలో ఆయన కాషాయ కండువా కప్పుకున్నారు. చీకోటి ప్రవీణ్ గతంలో బీజేపీ లో చేరాల్సి ఉంది. అనుచరులతో కలిసి బీజేపీ ఆఫీస్ కి చేరుకున్న తర్వాత నాటకీయ పరిణామాల మధ్య ఆయన చేరిక వాయిదా పడింది. పార్టీ కీలక నాయకులు చీకోటి చేరికపై అభ్యంతరం వ్యక్తం చేశారు. క్యాసినో నడిపే చీకోటి ప్రవీణ్ ను ఎలా చేర్చుకుంటారనే ప్రశ్నలు వచ్చాయి. దీంతో కొంత కాలంగా ఆయన జాయినింగ్ ను పెండింగ్ లో ఉంచారు. తాజాగా లైన్ క్లియర్ చేయడంతో చీకోటి కాషాయ కండువా కప్పుకున్నారు.
