కాంగ్రెస్ లో చేరుతున్న..పొంగులేటి
1 min read
కాంగ్రెస్ లో చేరుతున్నట్లు ఖమ్మం మాజీ ఎంపి పొంగులేటి శ్రీనివాస్ రెడ్డి స్పష్టం చేశారు. త్వరలోనే రాహుల్ గాంధీ సమక్షంలో జాయిన్ అవుతున్నట్లు ఆయన తన అనుచరులకు తెలిపారు. కాంగ్రెస్ పార్టీకి పూర్వవైభవం తెచ్చేలా పనిచేద్దామని పొంగులేటి సూచించారు. పొంగులేటి శ్రీనివాస్ రెడ్డి తన అనుచరులతో ఖమ్మంలో సమావేశమయ్యారు. కాంగ్రెస్ లో చేరుతున్నట్లు ప్రకటించగానే కార్యకర్తలు హర్షం వ్యక్తం చేస్తు పెద్ద ఎత్తున నినాదాలు చేశారు. జూన్ 12న అధికారికంగా కాంగ్రెస్ లో చేరిక అంశాన్ని పొంగులేటి ప్రకటించారు. ఖమ్మంలో భారీ బహిరంగసభ నిర్వహించి కాంగ్రెస్ కండువాను కప్పుకుంటానని ఆయన తెలిపారు. నా టార్గెట్ బీఆర్ఎస్ పార్టీని ఓడించడమేనని పొంగులేటి తేల్చిచెప్పారు.
