పొంగులేటి,జూపల్లికి రేవంత్ రెడ్డి ఆహ్వానం

మాజీ ఎంపి పొంగులేటి శ్రీనివాస్ రెడ్డి, మాజీ మంత్రి జూపల్లి క్రిష్ణారావును పీసీసీ చీఫ్ రేవంత్ రెడ్డి కాంగ్రెస్ లోకి ఆహ్వానించారు. స్వయంగా ఈ ఇద్దరు నేతల ఇళ్లకు వెళ్లి ఆయన పార్టీలో చేరాల్సిందిగా కోరారు.భువనగిరి ఎంపి కోమటిరెడ్డి కూడా రేవంత్ రెడ్డితో పాటు ఉన్నారు. పొంగులేటితో పాటు జూపల్లి కాంగ్రెస్ లో చేరడానికి ముందుకు వచ్చారు. త్వరలోనే ఢిల్లీ వెళ్లి రాహుల్ గాంధీని కలవనున్నారు. జులై మొదటి వారంలో ఖమ్మంలో భారీ బహిరంగ సభలో కాంగ్రెస్ లో చేరతామని పొంగులేటి తేల్చి చెప్పారు. తమకు సభకు ఎన్ని లక్షల మంది వస్తారో కేసీఆర్ తన ఇంటలిజెన్స్ తో లెక్క పెట్టుకోవాలని ఆయన సవాల్ విసిరారు.