బీఆర్ఎస్ లోకి శరత్ కుమార్ ..?

దేశవ్యాప్తంగా బీఆర్ఎస్ ను విస్తరించడానికి సిఎం కేసీఆర్ ద్రుష్టి సారించారు. ఇప్పటికే ఆంధ్రప్రదేశ్, ఒరిస్సా , కర్ణాటక రాష్ట్రాల నుంచి చేరికలు ప్రారంభించిన ఆయన తాజాగా తమిళనాడుపైన గురిపెట్టారు. ప్రముఖ సినీనటుడు , ఆల్ ఇండియా సమతావ మక్కల్ కచ్చి అధ్యక్షుడు శరత్ కుమార్  ఎమ్మెల్సీ కవితతో భేటీ అయ్యారు. తాజా రాజకీయ పరిణామాలపైన వీరి మధ్య చర్చ జరిగింది. బీఆర్ఎస్ పార్టీ ఏర్పాటు ,ఉద్దేశాలను కవిత ఆయనకు వివరించారు. అయితే బీఆర్ఎస్ లో శరత్ కుమార్ చేరతారా లేదా అన్నది తేలాల్సింది. ప్రముఖ సినీ నటి రాధిక శరత్ కుమార్ సతీమణి .  వీరిద్దరు తమిళనాడు రాజకీయాల్లో క్రియాశీలకంగా వ్యవహారిస్తుంటారు.