విమానంలో డాక్టర్ గా మారిన గవర్నర్ తమిళసై

తెలంగాణ గవర్నర్ తమిళసై డాక్టర్ గా మారారు. అకస్మాత్తుగా అనారోగ్యానికి గురైన వ్యక్తికి చికిత్స చేసి కాపాడారు. ఢిల్లీ నుంచి హైదరాబాద్ వస్తున్న విమానంలో ఈ సంఘటన చోటు చేసుకుంది. వారణాసి నుండి తిరుగు ప్రయాణంలో ఢిల్లీ- హైదరాబాద్ అర్ధరాత్రి విమానంలో ప్రయాణిస్తున్న ఒక ప్రయాణికుడు అస్వస్థతకు గురికావడంతో ఆ విమానంలోనే ప్రయాణిస్తున్న గవర్నర్ డాక్టర్ తమిళిసై సౌందరరాజన్ ఆ ప్రయాణికుడికి ప్రాథమిక చికిత్స చేశారు.
ప్రయాణికుడు గుండెనొప్పి, ఇతర సమస్యలతో విమానం గాల్లో ఉన్నప్పుడు తీవ్ర అస్వస్థతకు గురయ్యారు. దీంతో విమాన సిబ్బంది ఆ విమానంలో ఎవరైనా డాక్టర్ లు ఉన్నారా అని అనౌన్స్ చేశారు. వెంటనే స్పందించిన డాక్టర్ శ్రీమతి తమిళిసై సౌందరరాజన్ ఆ ప్రయాణికుడికి ప్రాథమిక చికిత్స అందించారు. కోలుకున్న ప్రయాణికుడు గవర్నర్ కు కృతజ్ఞతలు తెలిపాడు అదేవిధంగా ఆ విమానంలో ప్రయాణిస్తున్న ఇతర ప్రయాణికులు అభినందనలు తెలిపారు.
గవర్నర్ తమిళిసై సౌందరరాజన్ఎం బి బి ఎస్, ఎం డి- డి జి ఓ లాంటి వైద్య విద్య కోర్సులు చేశారు.