నా శవంపైన కాంగ్రెస్ జెండా

తన శవంపైన కాంగ్రెస్ కండువా కప్పాలని కుటుంబ సభ్యులకు చెప్పినట్లు ఎంపి కోమటిరెడ్డి వెంకట్ రెడ్డి స్పష్టం చేశారు. పార్టీ మారుతున్నారంటు వస్తున్న కథనాలపైన ఆయన స్పందించారు. యూత్ కాంగ్రెస్ కార్యకర్తగా పార్టీలోకి అడుగుపెట్టానని తేల్చి చెప్పారు. పార్టీ మార్పుపైన పదే పదే వార్తలు రాయడం మంచిది కాదన్నారు. కుటుంబంలో భిన్నాభిప్రాయాల మాదిరిగానే కాంగ్రెస్ లో కూడా నేతల మధ్య విభేదాలుంటాయని కోమటిరెడ్డి అన్నారు. పీసీసీ చీఫ్ రేవంత్ రెడ్డితో కలిసి ఆయన ఢిల్లీలో మీడియాతో మాట్లాడారు.