తండ్రికి నివాళ్లర్పించిన సిరాజ్
1 min read
ఆస్ట్రేలియాలో అద్భుత ప్రదర్శనతో అందరిని ఆకట్టుకున్న పేసర్ మహ్మమద్ సిరాజ్ హైదరాబాద్ చేరుకున్నాడు. నగరానికి రాగానే ఆయన తన తండ్రి సమాధిని సందర్శించి నివాళ్ళర్పించారు. తండ్రితో ఉన్న అనుబంధాన్ని గుర్తు చేసుకొన్ని కన్నీళ్ల పర్యంతమయ్యారు. సిరాజ్ ఆస్ట్రేలియా పర్యటనలో ఉన్న సమయంలో తండ్రి అనారోగ్యంతో కన్నుమూశారు. తండ్రి చనిపోయినప్పటికి టెస్ట్ సిరిస్ కొనసాగాలని సిరాజ్ నిర్ణయించుకున్నారు. దీంతో ఆయన పైన ప్రశంసల జల్లు కురిసింది. దేశం కోసం సిరాజ్ చూపించిన అంకితభావాన్ని ప్రతి ఒక్కరు అభినందించారు. తండ్రి మరణాన్ని సైతం దిగమింగుకోని క్రికెట్ ఆడిన సిరాజ్ మొత్తం సిరిస్ లో 13 వికెట్లు తీసి ఆకట్టుకున్నాడు. ఆస్ట్రేలియా టెస్టు సిరిస్ ను భారత్ గెలవడంలో సిరాజ్ పాత్ర ఎంతో ఉంది.
