అమిత్ షాతో తెలంగాణ బీజేపీ నేతల కీలక భేటీ

కేంద్ర హోంశాఖ మంత్రి అమిత్ షా తెలంగాణ బీజేపీ పైన ప్రత్యేక ద్రుష్టి సారించారు. రాష్ట్రంలో పార్టీ పనితీరుపైన ఆయన సమీక్షించనున్నారు. తెలంగాణ బీజేపీ ముఖ్యనేతలతో మంగళవారం అమిత్ షా ప్రత్యేక సమావేశం నిర్వహిస్తున్నారు. పార్టీ రాష్ట్ర అధ్యక్షుడు బండి సంజయ్ తో పాటు కేంద్రమంత్రి కిషన్ రెడ్డి, ఇతర కీలక నేతలు ఈ భేటీలో పాల్గొంటున్నారు. హుజూరాబాద్ లో గెలిచిన ఈటెల రాజేందర్ కూడా సమావేశంలో పాల్గొంటున్నారు. బీజేపీ నేతలకు అమిత్ షా దిశానిర్దేశం చేయనున్నారు. వరి కొనుగోలుపైన కేంద్ర, రాష్ట్రాల మధ్య నెలకొన్న వివాదం నేపథ్యంలో ఈ సమావేశం కీలకం కానున్నది.