కాంగ్రెస్ లోకి పీజేఆర్ కూతురు విజయారెడ్డి

రాష్ట్ర రాజధానిలో అధికార టీఆర్ఎస్ పార్టీకి షాక్ తగిలింది. ఖైరతాబాద్ నియోజకవర్గంలో గట్టి పట్టున్న కార్పొరేటర్ విజయారెడ్డి కాంగ్రెస్ లో చేరుతున్నట్లు ప్రకటించారు. పీసీసీ చీఫ్ రేవంత్ రెడ్డితో ఆమె భేటీ అయ్యారు. 23న కాంగ్రెస్ కండువా కప్పుకుంటున్నట్లు ఆమె మీడియాకు స్పష్టం చేశారు. విజయారెడ్డి ప్రస్తుతం ఖైరతాబాద్ కార్పొరేటర్ గా పనిచేస్తున్నారు. రెండు సార్లు ఆమె వరసగా టీఆర్ఎస్ నుంచి కార్పొరేటర్ గా విజయం సాధించారు. అయితే ఎమ్మెల్యే పదవి ఆశిస్తున్న ఆమె అధికార పార్టీలో ఉంటే అవకాశం రాదన్న ఆలోచనతో కాంగ్రెస్ లో చేరుతున్నారు. దివంగత కాంగ్రెస్ మాజీ మంత్రి పి.జనార్థన్ రెడ్డి కుమార్తె విజయారెడ్డి. విజయారెడ్డి చేరికతో ఖైరతాబాద్, కూకట్ పల్లి, జూబ్లీహిల్స్ నియోజకవర్గాల్లో  కాంగ్రెస్ కు పట్టు పెరగనున్నది.