కాంగ్రెస్ లోకి ఆరెంజ్ ట్రావెల్స్ సునీల్ రెడ్డి
1 min read
తెలంగాణ కాంగ్రెస్ లో చేరికలు ఊపందుకుంటున్నాయి. తాజా ఆరెంజ్ ట్రావెల్స్ అధినేత ముత్యాల సునీల్ రెడ్డి కాంగ్రెస్ కండువా కప్పుకున్నారు. ఢిల్లీలో ఎఐసిసి అధ్యక్షుడు మల్లిఖార్జున ఖర్గే ఆయనను పార్టీలోకి ఆహ్వానించారు. పీసీసీ చీఫ్ రేవంత్ రెడ్డితో పాటు ఉమ్మడి నిజామాబాద్ జిల్లాకు చెందిన నాయకులు ఈ కార్యక్రమంలో పాల్గొన్నారు. సునీల్ గత ఎన్నికల్లో బాల్కొండ నియోజకవర్గం నుంచి బీఎస్పీ అభ్యర్థిగా పోటీ చేసి 41వేలకు పైగా ఓట్లను సాధించారు. అప్పుడు కాంగ్రెస్ టిక్కెట్ ఆశించినప్పటికి అధిష్టానం మాజీ ఎమ్మెల్యే అనిల్ వైపు మొగ్గు చూపించింది.దీంతో సునీల్ రెడ్డి బీఎస్పీ అభ్యర్థిగా బరిలోకి దిగాల్సివచ్చింది. మరో వైపు కాంగ్రెస్ అభ్యర్థి అనిల్ మూడోస్థానంలో నిలిచి కేవలం 30వేల ఓట్లను మాత్రమే సాధించారు. అయితే ఈసారి కూడా తానే పోటీ చేస్తానని అనిల్ తేల్చి చెపుతున్నారు. పద్మశాలి వర్గానికి చెందిన అనిల్ ను కాదని రెడ్డి సామాజికవర్గమైన సునీల్ కు బాల్కొండ టిక్కట్ ఇస్తారా లేదా అన్నది చూడాలి.
