మరో యాడ్ ఫిలింలో నందమూరి బాలక్రిష్ణ
సూపర్ హిట్ సినిమాలతో దూసుకుపోతున్న నందమూరి బాలక్రిష్ణ క్రేజ్ ఇప్పుడు అంతా ఇంతా కాదు. చిన్నా,పెద్దా తేడా లేకుండా ఎక్కడ చూసినా జై బాలయ్య నినాదాలే వినిపిస్తున్నాయి. అదిరిపోయే డ్యాన్స్, ఫైట్లతో బాలక్రిష్ణ ఇప్పుడు తెలుగు రాష్ట్రాలను ఊపేస్తున్నారు. బాలయ్య క్రేజ్ అమాంతం పెరిగిపోవడంతో సినిమాలతో పాటు ఇతర అవకాశాలు వచ్చిపడుతున్నాయి. అన్ స్టాపబుల్ పేరుతో ఆహా ఓటీటీలో బాలక్రిష్ణ చేస్తున్న ఇంటర్వ్యూలు సంచలనం స్రుష్టిస్తున్నాయి. ఇదే సమయంలో వ్యాపార సంస్థలు కూడా బాలయ్య ఇంటి ముందు క్యూ కడుతున్నాయి. ఇటీవలె ఓ రియల్ ఎస్టేట్ సంస్థ ఆయనతో యాడ్ ఫిలిం నిర్మించింది. తాజాగా ఆభరణాల షో రూం బాలక్రిష్ణను యాడ్ ను రూపొందించింది. వేగశ్రీ జువెలర్స్ బాలయ్యను బ్రాడ్ అంబాసిడర్ నియమించుకుంది. దీనికి సంబంధించిన యాడ్ షూటింగ్ పూర్తైంది. బాలక్రిష్ణతో పాటు అఖండ హీరోయిన్ ప్రగ్యా జైస్వాల్ కూడా ఇందులో నటించింది.
