రాహుల్ గాంధీని కలిసిన కోమటిరెడ్డి

భువనగిరి ఎంపి కోమటిరెడ్డి వెంకట్ రెడ్డి భారత్ జోడో యాత్రలో రాహుల్ గాంధీని కలిశారు. ఆయనతో కలిసి అడుగులు వేస్తు కొద్దిసేపు ముచ్చటించారు. కోమటిరెడ్డి తో పాటు జహీరాబాద్ లోక్ సభ కాంగ్రెస్ ఇంఛార్జ్ మదన్ మోహన్ రావు కూడా రాహుల్ గాంధీని కలిశారు. మునుగోడు ఉప ఎన్నిక కోసం కాంగ్రెస్ పార్టీ నేతలు తీవ్రంగా శ్రమిస్తున్న సమయంలో కోమటిరెడ్డి మాత్రం అటువైపు చూడటం లేదు. మునుగోడులో తమ్ముడు కోమటిరెడ్డి రాజగోపాల్ రెడ్డికి వ్యతిరేకంగా ప్రచారం చేయనని వెంకట్ రెడ్డి స్పష్టం చేస్తున్నారు. కాంగ్రెస్ గెలిచే అవకాశం లేదని ఆయన బహిరంగంగానే వ్యాఖ్యానాలు చేస్తున్నారు. మునుగోడులోని పార్టీ ప్రజాప్రతినిధులు,నాయకులకు ఫోన్లు చేసి బీజేపీకి మద్దతు ఇవ్వాల్సిందిగా ఆయన కోరుతున్నారనే ఆరోపణలు వచ్చాయి. ఈ సమయంలో రాహుల్ గాంధీని కోమటిరెడ్డి కలవడం  విశేషం.