వారంలో రైతు భరోసా

తెలంగాణ రెవిన్యూ శాఖ మంత్రి పొంగులేటి శ్రీనివాస్ రెడ్డి అరక దున్నారు. రైతు అవతారం ఎత్తిన ఆయన దుక్కి దున్ని విత్తనం వేశారు. ఖమ్మం జిల్లా కూసుమంచిలో ఏరువాక కార్యక్రమంలో రైతన్నలతో కలిసి ఆయన పాల్గొన్నారు. ఇందిరమ్మ రాజ్యంలో సంక్షేమ కార్యక్రమాలు అమలు చేస్తూ రైతు ను రాజు చేయాలనేదే లక్ష్యంగా ప్రభుత్వం పని చేస్తుందని మంత్రి పొంగులేటి అన్నారు.రాష్ట్ర ఆర్ధిక పరిస్థితి బాగాలేకపోయిన ప్రభుత్వం రైతులను ప్రోత్సాహిస్తోందన్నారు. ఆనాటి ప్రభుత్వం 10 సంవత్సరాల్లో రైతులకు రూ.17000 కోట్ల రూపాయలు రుణమాఫీ చేస్తే, కాంగ్రెస్ ప్రభుత్వం 18 నెలల్లో నే రూ 21000 కోట్ల రూపాయలు రుణమాఫీ చేసిందని స్పష్టం చేశారు. రైతులకు ఇచ్చిన హామీలు అమలు చేసేందుకు ప్రభుత్వం చిత్త శుద్ది తో పని చేస్తోందన్నారు.