కాంగ్రెస్ లోకి మాజీ ఎమ్మెల్యే

తెలంగాణ కాంగ్రెస్ లో చేరికల పరంపర కొనసాగుతోంది. పీసీసీ చీఫ్ రేవంత్ రెడ్డి ఆధ్వర్యంలో అనేక మంది నాయకులు, కార్యకర్తలు పెద్దఎత్తున కాంగ్రెస్ లో జాయిన్ అవుతున్నారు. ఇటీవలె పీజేఆర్ కుమార్తె విజయారెడ్డి, బడంగ్ పేట్ మేయర్ పారిజాతా నర్సింహారెడ్డి కాంగ్రెస్ లో చేరారు. తాజాగా జడ్చర్ల మాజీ ఎమ్మెల్యే ఎర్రశేఖర్ కూడా కాంగ్రెస్ తీర్థం పుచ్చుకున్నారు. ఆయన మహబూబ్ నగర్ బీజేపీ అధ్యక్షుడుగా వ్యవహారిస్తున్నారు. ఎర్రశేఖర్ గతంలో తెలుగుదేశం తరుపున ఎమ్మెల్యేగా విజయం సాధించారు. ఆయన చేరికతో మహబూబ్ నగర్, జడ్చర్లలో పార్టీ బలోపేతం కానున్నది. మరో వైపు దేవరకొండకు చెందిన బిల్యానాయక్ కూడా కాంగ్రెస్ లో చేరారు. గతంలో తెలుగుదేశం తరుపున దేవరకొండ ఎమ్మెల్యేగా పోటీ చేసి స్వల్ప మెజార్టీతో ఓటమి పాలయ్యారు. బిల్యానాయక్ చేరికతో దేవరకొండలో కాంగ్రెస్ కు మరింత బలం పెరగనున్నది. త్వరలోనే మరికొందరు మాజీ మంత్రులు, ఎమ్మెల్యేలు కూడా కాంగ్రెస్ లో చేరనున్నారు.