బీజేపీలో దరువు ఎల్లన్న

   ఓయూ జెఎసి నేత,గాయకుడు దరువు ఎల్లన్న కాంగ్రెస్ కు షాక్ ఇచ్చాడు. వర్కింగ్ ప్రెసిండెట్ రేవంత్ రెడ్డి అనుచరుడైన ఆయన ఊహించని విధంగా బీజేపీలో చేారారు. బీజేపీ రాష్ట్ర అధ్యక్షుడు బండి సంజయ్ ఆయనకు కాషాయ కండువా కప్పి పార్టీలోకి ఆహ్వానించారు. కేసీఆర్ ను గద్దె దింపడం కోసమే తాను బీజేపీలో చేరినట్లు ఎల్లన్న స్పష్టం చేశారు. దరువు ఎల్లన్న తెలంగాణ ఉద్యమంలో కీలక పాత్ర పోషించారు. ఉస్మానియా యూనివర్సిటీ కేంద్రంగా అనేక ఆందోళనల్లో ఆయన పాల్గొన్నారు. తెలంగాణ ఏర్పాటు తర్వాత కాంగ్రెస్ లో చేరారు. ఎమ్మెల్యేగా పోటీ చేయాలని ఆయన భావించినప్పటికి కాంగ్రెస్ ఎల్లన్నకు సీటు కేటాయించలేదు. దీంతో కొన్నాళ్ల నుంచి ఆయన అసంత్రుప్తిగా ఉన్నారు. కాంగ్రెస్ తో ఎం.పి రేవంత్ రెడ్డితో సన్నిహితంగా ఉండేవారు. అయితే రేవంత్ రెడ్డికి పీసీసీ ఛీప్ పదవి వస్తుందన్న ప్రచారం జరుగుతున్న సమయంలో  ఎల్లన్న బీజేపీలో చేరడం విశేషం. మరో వైపు వామపక్ష భావాలున్న దరువు ఎల్లన్న బీజేపీలో తీర్థం పుచ్చుకోవడాన్ని ఉస్మానియా విద్యార్థులు జీర్ణించుకోలేకపోతున్నారు.