సిఎం జగన్ తో చిరంజీవి భేటీ

ఆంధ్రప్రదేశ్ లో సినిమా టిక్కెట్లపైన వివాదం నెలకొన్న నేపథ్యంలో ఆ రాష్ట్ర ముఖ్యమంత్రి వైఎస్ జగన్ ను మెగాస్టార్ చిరంజీవి కలిశారు. సిఎం ఆహ్వానం మేరకు ఆయన తాడేపల్లికి వెళ్లి చర్చలు జరిపారు. సినిమా థియేటర్లలో టిక్కెట్ రేట్లను బాగా తగ్గించడంతో వివాదం ప్రారంభమైంది. ప్రభుత్వ తీరుపైన సినిమా పరిశ్రమలోని ముఖ్యులు అభ్యంతరం వ్యక్తం చేశారు. ఇరు వైపుల నుంచి వాదోపవాదాలు జరుగుతున్నాయి. ఈ నేపథ్యంలో చిరంజీవి, సిఎం జగన్ సమావేశం ఆసక్తికరంగా మారింది.