కాంగ్రెస్ లో ఇంటి పార్టీ విలీనం

తెలంగాణ ఇంటి పార్టీ కాంగ్రెస్ లో విలీనం అయింది. ఆ పార్టీ అధ్యక్షుడు చెరుకు సుధాకర్ కాంగ్రెస్ కండువా కప్పుకున్నారు. పార్టీ సీనియర్ నేత మల్లిఖార్జున ఖర్గే సమక్షంలో ఆయన పార్టీలో చేరారు. ఇంటి పార్టీని కాంగ్రెస్ లో విలీనం చేస్తున్నట్లు సుధాకర్ ప్రకటించారు. రాహుల్ గాంధీ సమక్షంలో చేరాల్సి ఉన్నప్పటికి ఆయన అందుబాటులో లేకపోవడంతో ఖర్గే ఆయనకు కండువా కప్పారు. ఈ కార్యక్రమంలో పీసీసీ చీఫ్ రేవంత్ రెడ్డితో పాటు పలువురు నేతలు పాల్గొన్నారు.