కంటోన్మెంట్ ఎమ్మెల్యే సాయన్న కన్నుమూత

తెలంగాణకు చెందిన మరో ఎమ్మెల్యే కన్నుమూశారు.సికింద్రాబాద్ కంటోన్మెంట్ శాసనసభ్యుడు సాయన్న అనారోగ్యంతో చనిపోయారు. గత కొంత కాలంగా కిడ్నీ సమస్యలతో బాధపడుతున్న ఆయన యశోదా ఆస్పత్రిలో చికిత్స పొందుతు మరణించారు. సాయన్న ఐదు సార్లు ఎమ్మెల్యేగా విజయం సాధించారు. తెలుగుదేశం పార్టీ నాలుగు సార్లు గెలిచిన ఆయన 2018 ఎన్నికల్లో టీఆర్ఎస్ నుంచి విజయం సాధించారు. 2014లో టీడీపీ తరుపున గెలిచిన సాయన్న ఆ తర్వాత టీఆర్ఎస్ లో చేరారు. సాయన్న కూతురు ప్రస్తుతం బీఆర్ఎస్ కార్పొరేటర్ గా ఉన్నారు. సాయన్న మరణం పట్ల సిఎం కేసీఆర్ తో పాటు మంత్రులు, అన్ని పార్టీల నేతలు సంతాపం తెలిపారు.