కాంగ్రెస్ లోకి టీఆర్ఎస్ మాజీ ఎమ్మెల్యే
1 min read
అధికార టీఆర్ఎస్ పార్టీకి మరో షాక్ తగిలింది. ఆ పార్టీకి చెందిన మాజీ ఎమ్మెల్యే తాటి వెంకటేశ్వర్లు కాంగ్రెస్ పార్టీలో చేరారు. పీసీసీ అధ్యక్షుడు రేవంత్ రెడ్డి ఆధ్వర్యంలో ఆయన కాంగ్రెస్ కండువా కప్పుకున్నారు. అశ్వారావుపేట నుంచి తాటి వెంకటేశ్వర్లు గతంలో ఎమ్మెల్యేగా గెలిచారు.వైసీపీ తరుపున విజయం సాధించిన ఆయన ఆ తర్వాత టీఆర్ఎస్ లో చేరారు. గత ఎన్నికల్లో టీడీపీ అభ్యర్థి మెచ్చా నాగేశ్వరరావు చేతిలో తాటి వెంకటేశ్వర్లు ఓడిపోయారు. ఆ తర్వాత ఎమ్మెల్యే మెచ్చా గులాబీ కండువా కప్పుకోవడంతో అశ్వారావుపేట టీఆర్ఎస్ లో తాటికి ప్రాధాన్యత తగ్గిపోయింది. గత కొంత కాలంగా అసంత్రుప్తిగా ఉన్న ఆయన కాంగ్రెస్ కండువా కప్పుకున్నారు. పినపాక నియోజకవర్గానికి చెందిన టీఆర్ఎస్ జడ్పీటీసీ కాంతారావు కూడా కాంగ్రెస్ లో చేరారు.
