కాంగ్రెస్ లోకి మరో బీఆర్ఎస్ ఎమ్మెల్యే
1 min read
మాజీ సీఎం కేసీఆర్ కు వరుస షాక్ లు తగులుతున్నాయి. బీఆర్ఎస్ ఎమ్మెల్యేలు ఒక్కొక్కరు ఆయనకు గుడ్ బై చెబుతున్నారు. రాజేంద్రనగర్ ఎమ్మెల్యే ప్రకాష్ గౌడ్ కాంగ్రెస్ లో చేరి 24 గంటలు గడవక ముందే మరో శాసనసభ్యుడు బీఆర్ఎస్ కు టాటా చెప్పారు.సీఎం రేవంత్ రెడ్డి సమక్షంలో శేరిలింగంపల్లి బీఆర్ఎస్ ఎమ్మెల్యే అరికెపూడి గాంధీ కాంగ్రెస్ కండువా కప్పుకున్నారు. ఆయనతో పాటు నలుగురు కార్పొరేటర్లు కూడా కాంగ్రెస్ తీర్థం పుచ్చుకున్నారు. అరికెపూడితో కలిపి ఇప్పటి వరకు 8 మంది బీఆర్ఎస్ ఎమ్మెల్యేలు సీఎం రేవంత్ రెడ్డి కి జై కొట్టారు. త్వరలోనే మరికొంత మంది బీఆర్ఎస్ శాసనసభ్యులు కూడా కాంగ్రెస్ లో చేరనున్నారు.
