డీకె శివకుమార్ తో కోమటిరెడ్డి భేటీ

కాంగ్రెస్ లో చేరిక వ్యవహారం జోరందుకుంది. పార్టీలో చేరడానికి అనేక మంది నాయకులు ముందుకు వస్తుండటంతో పార్టీ నాయకత్వం వడపోత కార్యక్రమాన్ని మొదలుపెట్టింది. పొంగులేటి,జూపల్లి కాంగ్రెస్ కండువా కప్పుకోవడం ఖాయమైంది. వీరితో పాటు వచ్చేవారి జాబితాను నేతలు సిద్ధం చేస్తున్నారు. ఇదే సమయంలో నల్గొండ, హన్మకొండ తో పాటు పలు జిల్లాలకు చెందిన ముఖ్యనాయకులు కూడా కాంగ్రెస్ తీర్థం పుచ్చుకునే సూచనలు కనిపిస్తున్నాయి. ఒకవైపు పీసీసీ చీఫ్ రేవంత్ రెడ్డి దీనిపైన కసరత్తు చేస్తున్నారు. ఇదే సమయంలో పార్టీలో క్రియాశీలకంగా మారిన భువనగిరి ఎంపి కోమటిరెడ్డి వెంకట్ రెడ్డి కూడా  చేరికలపైన ద్రుష్టి సారించారు. తాజాగా ఆయన కర్ణాటక డిప్యూటీ సిఎం డీకె శివకుమార్ ను కలిశారు. తెలంగాణ తాజా రాజకీయ అంశాలపైన వీరిద్దరు చర్చించినట్లు తెలుస్తోంది. డీకె శివకుమార్ తెలంగాణ కాంగ్రెస్ లో కీలకంగా వ్యవహారిస్తున్నారు. తెరవెనుక నుంచి ఆయనే చేరికల అంశాన్ని పరిశీలిస్తున్నట్లు చెపుతున్నారు. ఈ నేపథ్యంలోనే కోమటిరెడ్డి డీకెని కలవడం విశేషం.