రాజగోపాల్ రెడ్డి కాంగ్రెస్ లో చేరికపైన కోమటిరెడ్డి రియాక్షన్

త్వరలో చాలా మంది కాంగ్రెస్ లో చేరతారని ఎంపి కోమటిరెడ్డి వెంకట్ రెడ్డి తేల్చి చెప్పారు. తన సోదరుడు కోమటిరెడ్డి రాజగోపాల్ రెడ్డి చేరికపైన మీడియా ఆయనను ప్రశ్నించినప్పుడు నేరుగా స్పందించకుండా పరోక్షంగా సమాధానం చెప్పారు. ఎన్నికలకు మూడు నెలల ముందుగానే పార్టీ అభ్యర్థులను ప్రకటిస్తామని కోమటిరెడ్డి స్పష్టం చేశారు. ఢిల్లీలో ఆయన కాంగ్రెస్ ప్రధాన కార్యదర్శి ప్రియాంక గాంధీతో భేటీ అయ్యారు. నల్గొండ,ఖమ్మం బహిరంగసభలకు హాజరుకావాలని కోమటిరెడ్డి ఆమెను కోరారు. ప్రతి పది రోజులకు ఒక సారి తెలంగాణకు రావాలని ప్రియాంక గాంధీకి ఆయన సూచించారు. జూలై నెలలో ఆమె రాష్ట్ర పర్యటనకు వస్తారని కోమటిరెడ్డి వివరించారు.