వరంగల్ లో యూత్ కాంగ్రెస్ నేతపైన దాడి

పీసీసీ చీఫ్ రేవంత్ రెడ్డి వరంగల్ పాదయాత్రలో ఉద్రికత్త పరిస్థితులు నెలకొన్నాయి.యాత్రలో పాల్గొన్న యువజన కాంగ్రెస్ నాయకుడు పవన్ పైన గుర్తు తెలియని వ్యక్తులు దాడి చేసి గాయపర్చారు. తీవ్రగాయాలతో పడిఉన్న పవన్ ను కాంగ్రెస్ కార్యకర్తలు ఆస్పత్రికి తరలించారు. దాడి వెనుక బీఆర్ఎస్ ఎమ్మెల్యే వినయ్ భాస్కర్ ఉన్నారని కాంగ్రెస్ వర్గాలు ఆరోపిస్తున్నాయి. ఎమ్మెల్యే పైన ఛార్జ్ షీట్ ప్లెక్సీని ప్రదర్శించినందుకే విజయ్ భాస్కర్ అనుచరులు పవన్ పైన దాడి చేశారని వారు స్పష్టం చేస్తున్నారు. పవన్  పరిస్థితి విషమంగా ఉందని  కాంగ్రెస్ వర్గాలు చెపుతున్నాయి. మరో వైపు యువజన కాంగ్రెస్ నేతపైన బీఆర్ఎస్ కార్యకర్తల దాడిని పీసీసీ చీఫ్ రేవంత్ రెడ్డి సీరియస్ గా తీసుకున్నారు. రాష్ట్ర వ్యాప్తంగా కేసీఆర్ దిష్టి బొమ్మలను దగ్థం చేయాలని ఆయన పిలుపునిచ్చారు. ఎమ్మెల్యే వినయ్ భాస్కర్ పైన హత్యాయత్నం కేసు నమోదు చేయాలని రేవంత్ రెడ్డి డిమాండ్ చేశారు.