మాజీ ఎమ్మెల్యే ఉంగరాన్ని వెతికి ఇచ్చిన పోలీసులు

మాజీ ఎమ్మెల్యే ఒకరు పొగొట్టుకున్న అత్యంత విలువైన ఉంగరాన్ని పోలీసులు వెతికి ఇచ్చారు. ఫిర్యాదు చేసిన నిమిషాల్లోనే సాంకేతికను ఉపయోగించి ఉంగరాన్ని కనిపెట్టారు. ఉప్పల్ బీజేపీ మాజీ ఎమ్మెల్యే ఎన్వీఎస్ ప్రభాకర్ తన ఫామ్ హౌజ్ లో గడ్డి కోస్తుండగా చేతికి ఉన్న ఉంగరం జారిపోయింది. ఉంగరం పోయిన విషయాన్ని తర్వాత గుర్తించిన ప్రభాకర్ చాలా సేపు వెతికారు. అయినా ప్రయోజనం లేకపోవడంతో ఆయన రాచకొండ పోలీస్ కమిషనర్ మహష్ భగవత్ కి ఫిర్యాదు చేశారు. వెంటనే స్పందించిన ఆయన మెటల్ డిటెక్టర్ టీంను ఫామ్ హౌజ్ కు పంపారు. వారు క్షణాల్లోనే ఉంగరాన్ని కనిపెట్టి ఎన్వీఎస్ ప్రభాకర్ కు అందజేశారు.